عید الاضحیٰ پر پاکستان میں تو لوگ خوشیاں منارہے ہیں اور عزیز و اقارب کی دعوتیں کی جارہی ہیں۔ ایسے میں جاپان میں مقیم پاکستانیوں نے بھی بڑی عید پر بڑی پارٹی کا اہتمام کیا۔

جاپان میں پاکستانیوں نے عید کے موقع پر دوستوں کی دعوت کی اور خوب ہلہ گلہ کیا۔ مہمانوں کے لئے طرح طرح کے ذائقہ دار پکوان تیار کیے گئے ۔ میٹھے کا بھی اہتمام کیا گیا۔

جاپان میں مقیم شہریوں کا کہنا ہے کہ وطن سے دور ہیں لیکن دیار غیر میں بھی پاکستان جیسی دعوت کی گئی ہے۔ جس میں مہمانوں کی پسند کا خیال رکھتے ہوئے بکرے کا دم پُخت، سندھی بریانی کسٹرڈ اور فیرنی بنائی گئی۔

کھانے کے بعد ایک جگہ جمع ہونے اور دوستوں سے ملنے کی خوشی میں نوجوانوں نے روایتی رقص بھی پیش کیا۔

جاپانی میں مقیم پاکستانی شہریوں کا کہنا ہے کہ ویسے تو تمام دوست مصروف رہتے ہیں لیکن عید پر دور رہنے والے پاکستانیوں سے مل کر خوشی ہوئی۔