پنجاب کے علاقے رائے ونڈ کے تاجر نے شہریوں کو عید کی خوشیوں میں شریک کرنے کیلئے دعوت عام کا اہتمام کیا۔

رائے ونڈکے تاجر نے عیدالاضحی کے موقع پر لوگو ں کیلئے پرتکلف کھانوں کا اہتمام کیا۔ جس میں مختلف انواع و اقسام کے کھانوں سے لوگوں کی تواضع کی گئی۔

ماڈل بازار میں لگائے گئے دستر خوان پر لوگوں کی تواضع بیف بریانی، سیخ کباب، قورمہ اور سٹیم بیف سے کی گئی۔

تاجر کا کہنا ہے شہریوں کو عید کی خوشیوں میں شریک کرنے کیلئے دعوت عام کا اہتمام کیا۔ مہنگائی میں پسی عوام کیلئے ہر صاحب حثیت کو آسانیاں پیدا کرتے ہوئے ریلیف دینا چاہیے۔