کراچی: مرحوم لیجنڈری اداکار شکیل احمد کی نماز جنازہ سلطان مسجد میں ادا کردی گئی۔

شکیل احمد کی نماز جنازہ میں گورنر سندھ کامران ٹیسوری، اداکار بہروز سبزواری، فیصل قریشی اور دیگر اداکاروں نے شرکت کی۔

مرحوم اداکار کی نماز جنازہ بعد نماز جمعہ سلطان مسجد میں ادا کی گئی جس کے بعد ان کے جسد خاکی کو تدفین کے لئے ڈیفنس فیز 8 کے قبرستان کی جانب روانہ کردیا گیا۔

یاد رہے کہ پاکستانی ڈراموں کے لیجنڈری اداکار شکیل یوسف مختصر علالت کے بعد حرکت قلب بند ہونے سے انتقال کرگئے، ان کی عمر 85 برس تھی، اور ان کے ورثاء میں ایک بیٹا ایک بیٹی اور بیوہ شامل ہیں۔

شکیل یوسف گزشتہ 4 روز سے کراچی کے نجی اسپتال میں زیر علاج تھے، ان کا بائی پاس آپریشن بھی ہوا تھا، اور انہیں چلنے پھرنے میں دشواری کا سامنا تھا۔