عید قرباں سے قبل کراچی میں جانورچھیننے کی بڑی واردات پیش آئی ہے۔

واقعہ سپرہائی وے قبرستان کے قریب پیش آیا۔ ملزمان اسلحے کے زور پر ڈیڑھ کروڑ مالیت کے بھاری بھرکم بیل چھین کرلے گئے۔

ملزمان نے چوکیدار کو یرغمال بناکر12 جانور چھین کر لے گئے۔ پولیس کے مطابق شواہد جمع کر رہے ہیں اور جلد ملزمان کو گرفتار کرلیا جائے گا۔

چوکیدار کا کہنا ہے کہ رات چار بجے کے قریب ایک درجن سے زائد مسلح ملزمان آئے ہم پر تشدد کرکے باندھ دیا اور دو گاڑیوں میں جانور چوری کرکے فرار ہوگئے۔

دوسری جانب ملیر کینٹ پولیس نے سپرہائی وے پر کیٹل فارم سے جانور چھیننے کا مقدمہ درج کرلیا ہے۔

مدعی مقدمہ نے بیان دیا کہ مدعی مقدمہ کا کہنا ہے کہ گذشتہ رات چار بجے کے قریب ایک درجن سے زائد مسلح ملزمان آئے انہوں نے ہم پر تشدد کیا اور ہمیں باندھ دیا، اور ملزمان 12 بڑے جانور ایک بکرا اور گارڈ کا رپیٹر چھین کر لے گئے۔