گلشن اقبال میں مبینہ چور نے خواتین اور بچوں کو گاڑی میں بیٹھا کر بکرے چوری کرنی کی کوشش کی جو ناکام ہوگئی اور پولیس نے چور کو گرفتار کرلیا۔

کراچی کے علاقے گلشن اقبال میں بکرا چوری کی انوکھی واردات سامنے آئی ہے، جہاں مبینہ چور نے خواتین اور بچوں کو گاڑی میں بیٹھا کر بکرے چوری کرنی کی کوشش کی جو ناکام ہوگئی۔

پولیس کے مطابق چورنےفیملی کوگاڑی میں بٹھا کر بکرے چوری کرنے کی کوشش کی، لیکن قریب موجود اہل علاقہ نے اسے پکڑ لیا اور تشدد کا نشانہ بنایا، جب کہ گاڑی پر پتھراؤ کرکے شیشے بھی توڑ دیئے۔

پولیس حکام نے بتایا کہ اطلاع ملتے ہی پولیس کی بھاری نفری جائے وقوعہ پر پہنچ گئی اور مبینہ ملزم کو حراست میں لے کر تھانے منتقل کرکے تفتیش شروع کر دی گئی۔