محکمہ ریلوے نے عیدالاضحٰی کے موقع پر3 اسپیشل ٹرینیں چلانے کا اعلان کردیا۔

پاکستان ریلوے نے عیدالاضحیٰ کے موقع پر 3 اسپیشل ٹرینیں چلانے کا اعلان کیا ہے۔ ریلوے حکام کے مطابق وزیر ریلوے خواجہ سعد رفیق کی ہدایت پر مسافروں کی سہولت اور عید پر سفر کرنے والوں کے رش کے پیش نظر اسپیشل ٹرینیں چلائی جا رہی ہیں۔

ریلوے حکام کے مطابق پہلی اسپیشل ٹرین 26 جون کی صبح10 بجے کوئٹہ سے روانہ ہوگی، جو اگلے روز براستہ لاہور پشاور پہنچے گی۔

دوسری ٹرین 27 جون کی رات ساڑھے 8 بجے کراچی سے چلے گی اور براستہ ملتان لاہور کیلئے روانہ ہوگی۔

تیسری ٹرین 3 جولائی کو صبح 11 بجے لاہور سے براستہ ملتان ہوتی ہوئی کراچی پہنچے گی۔