کراچی میں پولیس اور جرائم پیشہ افراد میں مقابلہ ہوا ہے جس کے بعد دو زخمی ملزمان سمیت تین کرمنلز کو گرفتار کرلیا جبکہ ایک زخمی بعد میں چل بسا۔

پولیس اور اسٹریٹ کرمنلز کے درمیان مقابلہ احسن آباد، سائٹ سپرہائی وے کے قریب ہوا۔ پولیس کا کہنا ہے کہ فائرنگ کے تبادلے میں گرفتار ملزمان میں سے ایک زخمی چل بسا جبکہ دوسرے ملزم کی حالت نازک بتائی جاتی ہے۔

پولیس کے مطابق زخمی ملزمان کی شناخت الطاف اور فاروق کے نام سے ہوئی جبکہ ملزم ولی لیاقت کو صحیح حالت میں گرفتار کیا گیا۔ ملزمان کے قبضے سے دو پستول، موبائل فون اور رقم برآمد کی گئی۔