منافع خوروں نے عیدالاضحیٰ پر لذیذ پکوانوں کا مزہ خراب کرنے کی ٹھان لی، ایک طرف گرم مصالحہ کی قیمت بڑھا دی تو دوسری جانب ادرک 920 روپے فی کلو ہوگئی۔

عید الاضحیٰ سے قبل گراں فروش سرگرم ہیں۔ لذیذ پکوان پڑیں گے اب بہت ہی مہنگے کیونکہ مصالحہ جات کی قیمتوں میں اضافہ ہوگیا ہے۔

سبزیوں کے ساتھ ہری مرچ ، دھنیا، ہلدی، ادرک اور لہسن اور دیگر مصالحہ جات کی قیمتیں خود ساختہ بڑھا دیں، جس سے عوام کے لئے عیدالاضحیٰ سے قبل خریداری کرنا دشوار ہوگیا۔

گرم مصالحہ کی قیمتیں بڑھنے پر شہریوں نے حکومت کو شدید تنقید کا نشانہ بنایا ہے۔ عوام نے مطالبہ کیا ہے کہ افسران کو ٹھنڈے کمروں سے نکل کر عوام کے ریلیف کیلئے اقدامات کرنے چاہئیں۔