کراچی کے علاقے عزیز آباد نعمت کالونی میں نشے میں دھت افراد نے پولیس پر دھاوا بول دیا، جس کے نتیجے میں دو پولیس اہلکار زخمی ہوگئے۔

کراچی پولیس کے مطابق عزیز آباد تھانے میں تعینات اہلکاروں نے گشت کے دوران نشے میں دھت افراد کو روکا تو انہوں نے اہلکاروں پر دھاوا بول دیا۔

پولیس کے مطابق حملہ آوروں کی تعداد 20 سے 25 تھی جن میں سے 4 افراد کو گرفتار کر لیا گیا ہے جبکہ باقی کی تلاش جاری ہے۔

پولیس نے مزید بتایا کہ واقعہ کا مقدمہ درج کر کے زخمی اہلکاروں کو طبی امداد کے لئے ہسپتال منتقل کر دیا گیا ہے۔

پولیس کا کہنا ہے کہ گرفتار افراد کا میڈیکل کرایا جائے گا۔