کندھ کوٹ میں انڈس ہائی وے پر ڈاکوؤں نے مزدا اور کار پر فائرنگ کردی۔

بخشاپور تھانہ کی حدود رانو انڈس ہائی وے کے مقام پر ڈاکوؤں نے لوٹ مار کے دوران مسافر گاڑیوں پر فائرنگ کی۔ جس کے نتیجے میں ایک کار سوار جاں بحق اور چار افراد زخمی ہوگئے۔ زخمیوں میں مزدا کا ڈرائیور رفیق احمد بھی شامل ہے۔

واقعے کی اطلاع ملنے پر پولیس جائے وقوع پر پہنچی۔ لاش اور زخمیوں کو سول اسپتال منتقل کیا گیا جبکہ دو زخمیوں کی حالت نازک ہونے پر سکھر بھیج دیا گیا۔