کراچی کے علاقے قائد آباد گوشت گلی کے گھر میں ماں اور کمسن بیٹے کے قتل کا معمہ حل کرلیا گیا۔

پولیس کے مطابق دوہرے قتل میں مقتولہ کے شوہر کے دوست کا بیٹا ملوث ہے۔ قتل کا واقعہ گھر میں لوٹ مار کا شاخسانہ ہے، قتل میں ملوث ایک ملزم کو گرفتار کرلیا گیا جبکہ ایک ملزم فرار ہے۔

تفتیشی پولیس کا کہنا ہے کہ فرار ملزم مقتولہ کے شوہر کے دوست کا بیٹا ہے، ملزم نے گھر میں پیسے دیکھ کر لوٹ مار کا منصوبہ بنایا، ملزم نے دوران واردات خاتون فائزہ کو قتل کیا جبکہ دو سالہ زوہان کو بھی پانی کے ٹینک میں پھینک دیا تھا۔