لاہور کی بینکنگ جرائم عدالت نے وفاقی تحقیقاتی ایجنسی (ایف آئی اے) منی لانڈرنگ کیس میں راسخ الٰہی اور سابق وفاقی وزیر مونس الٰہی کی اہلیہ سمیت چار ملزمان کی عبوری ضمانتوں میں توسیع کردی۔

بینکنگ جرائم عدالت لاہور کے جج اسلم گوندل نے تحریم الٰہی، زارا الٰہی و دیگر کے خلاف ایف آئی اے منی لانڈرنگ کیس کی سماعت کی۔

ملزمان تحریم الٰہی، زارا الٰہی، راسخ الٰہی اور ضیغم عباس نے عدالت کے روبرو پیش ہوکر اپنی حاضری مکمل کروا کر بتایا گیا کہ تفتیشی افسر مصروفیت کے باعث پیش نہیں ہوسکے۔

ملزمان کا کہنا تھا کہ منی لانڈرنگ کیس میں تفتیشی رپورٹ آخری مراحل میں ہے، جسے جلد پیش کر دیا جائے گا۔

عدالت نے ایف آئی اے کو تفصیلی رپورٹ پیش کرنے کا حکم دیتے ہوئے چاروں ملزمان کی عبوری ضمانت میں 21 جون تک توسیع کر دی۔