جاپان کے سابق وزیراعظم قتل کیس کی سماعت اچانک منسوخ کردی گئی۔

جاپان کی نارا ڈسٹرکٹ عدالت نے سابق وزیراعظم شینزو آبے کے قتل کی سماعت اس وقت منسوخ کردی جب عدالت کو ایک مشکوک پارسل موصول ہوا۔

حکام کے مطابق جب پارسل کو میٹل ڈیٹیکٹر سے چیک کیا گیا تو اس میں خطرناک مواد پایا گیا جس کے بعد عدالتی عملے اور سائلین کو عمارت خالی کرنے کے احکامات جاری کیے گئے۔

پولیس کا بم ڈسپوزبل عملہ فوری طور پر متحرک ہوا اور گتے کے باکس کو اٹھا کر عدالتی احاطے سے دور لے گیا۔ جاپان کے مقامی وقت کے مطابق عدالت کو مشکوک باکس 11 بجکر 15 منٹ پر موصول ہوا جبکہ کیس کی سماعت 3 بجے ہونی تھی۔

یاد رہے کہ جاپان کے سابق وزیراعطم شینزو آبے کو گزشتہ سال 2022 میں جولائی کے مہنے میں قتل کیا گیا تھا۔ گرفتار ملزم 42 سالہ ملزم تاسیا یاما گامی کے خلاف آج فیصلہ متوقع تھا۔