سندھ کے شہر قمبر شہداد کوٹ میں پولیس نے تین لڑکیوں کو حراست میں لے لیا، پولیس اہلکار لڑکیوں کو رکشے میں بٹھا کر ساتھ لے گئے۔

اہلکاروں کے لڑکیوں کو رکشے میں لے جانے کی ویڈیو سامنے آگئی، ویڈیو میں تینوں لڑکیوں کو خوف سے روتے دیکھا جاسکتا ہے۔

اس حوالے سے پولیس نے اپنا مؤقف دینے سے انکار کردیا ہے۔

علاقہ مکینوں کا کہنا ہے کہ علاقے میں چوری کی واردات ہوئی تھی، پولیس نے اصل ملزمان کے بجائےلڑکیوں کو اٹھا لیا

علاقہ مکینوں کے مطابق تینوں لڑکیوں کی عمریں 12 ،10 ،9 سال ہے۔