ٹھٹہ: شہر قائد کو پانی فراہم کرنے والی ایک اور پائپ لائن پھٹ گئی ہے۔

دھابیجی پمپنگ اسٹیشن پر بجلی کے بریک ڈاؤن سے 72 انچ قطر کی پائپ لائن بیک پریشر کے باعث پھٹ گئی۔

پائپ لائن پھٹنے سے کراچی کو مزید ایک کروڑ گیلن پانی کی فراہمی معطل ہوگئی جب کہ بڑی مقدار میں پانی ضائع ہو رہا ہے۔

پمپنگ اسٹیشن کے قریبی رہائشی علاقوں میں پانی داخل ہو گیا ہے۔ گزشتہ روز پائپ لائن پھٹ گئی تھی جس کا مرمتی کام جاری ہے۔