وزیرِ اعلیٰ بلوچستان ترجمان بابر یوسفزئی کا کہنا ہے کہ 9 مئی پاکستان کا سیاہ ترین دن تھا۔

کوئٹہ میں پریس کانفرنس کرتے ہوئے ترجمان وزیر اعلیٰ نے کہا کہ شرپسندوں نے پورے ملک میں توڑ پھوڑ کی، ملک کو دنیا کے سامنے مذاق کا نشانہ بنایا گیا۔

ترجمان وزیراعلیٰ بلوچستان بابر یوسفزئی نے مطالبہ کیا کہ تحریک انصاف کو کالعدم قرار دیا جائے، عمران خان راء کا ایجنٹ ہے، یہ اپنے آقا بھارت کو خوش کرنے کے لئے ملک میں انتشار پھیلانا چاہتا ہے۔

بابر یوسفزئی نے کہا کہ سیکورٹی فورسز کو نشانہ بنایا گیا، مسلح افراد نے کینٹ میں داخل ہونے کی کوشش کی، سب کچھ منصوبہ بندی کے ذریعے کیا گیا۔

ان کا کہنا تھا کہ صحافیوں پر تشدد میں ملوث افراد کے خلاف کارروائی ہوگی۔

انہوں نے مطالبہ کیا کہ تحریک انصاف اور عمران خان پر تاحیات پابندی لگائی جائے۔