گورنر پنجاب محمد بلیغ الرحمان اور کور کمانڈر لاہور کے درمیان ٹیلی فونک رابطہ ہوا ہے، گورنر نے کور کمانڈر سے ان کی اور اہل خانہ کی خیریت دریافت کی۔

گورنر پنجاب نے کہا کہ مشتعل افراد کا جناح ہاؤس پر حملہ قابل مذمت ہے، بانی پاکستان سے نسبت رکھنے والے قومی اثاثہ کو نقصان پہنچایا گیا۔

گورنر پنجاب نے کہا کہ جناح ہاؤس پر حملہ سے ہماری اقدار کو نقصان پہنچایا گیا۔

گورنر پنجاب نے امید ظاہر کی کہ شر پسندی اور انتشار کا جلد خاتمہ ہوگا۔

خیال رہے کہ منگل کو عمران خان کی گرفتاری کے بعد ہونے والے مظاہروں میں پی ٹی آئی کے حامیوں نے کور کمانڈرلاہور کی رہائش گاہ پر دھاوا بول دیا تھا۔

احتجاجیوں نے عمارت میں توڑ پھوڑ اور لوٹ مار کے بعد آگ لگا دی تھی۔