کراچی میں منکی پاکس کا مشتبہ کیس رپورٹ ہوگیا۔

محکمہ صحت سندھ کے مطابق جدہ سے کراچی آنے والے مسافر کو منکی پاکس کی علامات کے سبب قرنطینہ کرکے خون کے نمونے لیب ٹیسٹ کے لئے بھیج دیئے ہیں۔

محکمہ صحت سندھ کا کہنا ہے کہ مسافر کو 7 دن سے بخار ہے اور اس کے جسم پر سُرخ دھبے، دانے نمودار ہوگئے ہیں۔

واضح رہے کہ گزشتہ دنوں کراچی میں منکی پاکس کے چار سے زائد مشتبہ کیسز رپورٹ ہوئے تھے جن کی لیب رپورٹس میں منکی پاکس کی تصدیق نہیں ہوئی تھی۔