اسلام آباد: سابق صدر آصف علی زرداری اور سربراہ جمعیت علماء اسلام (جے یو آئی – ف) مولانا فضل الرحمان کے درمیان ملاقات ہوئی ہے۔

ذرائع کے کا کہنا ہے کہ ملاقات میں پنجاب خیبر پختونخوا انتخابات اور حکومتی اتحاد کے پی ٹی آئی سے ہونے والے مذاکرات سے متعلق گفتگو ہوئی۔

ذرائع کے مطابق دونوں رہنماؤں نے نشست میں سپریم کورٹ میں زیر سماعت پنجاب انتخابات سے متعلق کیسز پر بھی بات چیت کی۔

اس کے علاوہ آصف علی زرداری نے مولانا فضل الرحمان سے سابق وفاقی وزیر مذہبی امور مرحوم مفتی عبدالشکور کے انتقال پر اظہار تعزیت کی۔