ملک میں منکی پاکس کے پھلاؤ اور روک تھام کے لیے ائرپورٹ سیکیورٹی فورس (اے ایس ایف) نے نئی ایس او پیز جاری کردی ہیں۔

ائرپورٹ سیکیورٹی فورس کی جاری کردہ نئی ایس اوپیز کے تحت کراچی سمیت ملک کے تمام ایئر پورٹس پر’ہیلتھ ایمرجنسی’ نافذ کردیں گئی ہے۔

ڈائریکٹر جنرل اے ایس ایف نے ہدایات پرسختی سےعملدرآمد کرنے کی ہدایات جاری کرتے ہوئے کہا کہ تمام ائرپورٹ سیکیورٹی فورس کا عملہ فیس ماسک پہنے گا۔

انہوں نے مزید کہا کہ جسمانی تلاشی، سامان کی چیکنگ کے دوران دستانے پہننا لازمی ہے ساتھ ہی ائرپورٹ میں داخلے کے لئےعارضی پاسز کا اجراء بھی روک دیا گیا ہے۔

منکی پاکس کیا ہے؟

منکی پاکس 1958 میں اس وقت دریافت ہوا جب تحقیق کے لیے استعمال کیے جانے والے بندروں کے گروپوں میں ایک چیچک جیسی بیماری پھیلنے لگی۔

سائنس دانوں نے اس بیماری کی ابھی تک یقینی دہانی کی ہے، لیکن خیال کیا جاتا ہے کہ یہ افریقہ کے برساتی جنگلات میں چھوٹے چوہوں اور گلہریوں سے پھیلتا ہے۔

منکی پاکس وائرس کی دو قسمیں ہیں، جو وسطی افریقی اور مغربی افریقی ناموں سے جانی جاتی ہیں۔ وسطی افریقی منکی پاکس وائرس زیادہ شدید انفیکشن کا سبب بنتا ہے اور مغربی افریقی منکی پاکس وائرس سے زیادہ موت کا سبب بنتا ہے۔