اینٹی کرپشن پنجاب نے سابق وزیراعلی عثمان بزدار کو سترا اپریل کو طلب کرلیا ہے۔

سابق وزیراعلیٰ پنجاب عثمان بزدار کے خلاف اینٹی کرپشن اسٹیبلشمنٹ میں ایک اور انکوائری شروع کردی گئی ہے، اور اینٹی کرپشن نے عثمان بزدار کو 17 اپریل کو طلب کرلیا ہے۔

ذرائع کے مطابق سابق وزیراعلیٰ پنجاب عثمان بزدار پر پرائیویٹ زمین پر سرکاری خرچ سے ہال تعمیر کرانے کا الزام ہے، ہال کی تعمیر میں 2 کروڑ 44 لاکھ روپے خرچ کئے گئے۔

ذرائع کا کہنا ہے کہ عثمان بزدار نے ہال کو ذاتی استعمال میں رکھا ہوا ہے، اور ہال عثمان بزدار کے والد کی قبر کے ساتھ تعمیر کرایا گیا، اور اس کا ورک آرڈر بھی سابق وزیراعلیٰ کے قریبی عزیز کی کمپنی کو دیا گیا۔