وفاقی تحقیقاتی ادارے (ایف آئی اے) نے لاہور میں کارروائی کرتے ہوئے بین الاقوامی منی لانڈرنگ نیٹ ورک کے مرکزی ملزم کو گرفتار کرلیا۔

ملزم افتخار رسول کی سربراہی میں اربوں روپے کی منی لانڈرنگ اور حوالہ ہنڈی کا ریکارڈ ایف آئی اے نے قبضے میں لے لیا ہے۔

گارڈن ٹاؤن کا رہائشی ملزم افتخار رسول، ملزمان قیصر مشتاق اور عاصم حسین کے ساتھ منی لانڈرنگ کرتے تھے۔

ملزم چوہدری افتخار رسول نے 41 جعلی کمپنیاں بنا کر ان کے ذریعے منی لانڈرنگ کا بھی انکشاف کیا ہے۔

ایف آئی اے ذرائع کا کہنا ہے کہ ملزم سے مزید تفتیش کی جارہی ہے جبکہ ساتھیوں کی گرفتاری کیلئے بھی کارروائیاں کی جا رہی ہیں۔