سبی میں جعفر ایکسپریس کے قریب دھماکا ہوا ہے۔

بلوچستان کے ضلع سبی میں دہشت گردوں کی جانب سے ایک بار پھر تخریب کاری کی کوشش کی گئی جو خوش قسمتی سے ناکام ہوگئی۔

سبی میں ریلوے لائن پر جعفر ایکسپریس کے قریب دھماکا ہوا ہے تاہم خوش قسمتی سے کسی قسم کا جانی نقصان نہیں ہوا۔

لیویز کے مطابق دھماکا جعفر ایکسپریس کے گزرنے کے بعد ہوا، حملے میں کوئی نقصان نہیں ہوا، اور تمام مسافر محفوظ رہے۔

ترجمان لیویز نے بتایا کہ جعفرایکسپریس مچھ سے لاہور جارہی تھی، کہ سبی کے قریب ریلوے ٹریک پر دھماکا ہوا۔ تاہم ٹرین گزرنے کے بعد دھماکا ہوا، جس سے صرف ریلوے ٹریک کو نقصان پہنچا۔