سابق پرنسپل سیکرٹری وزیر اعلیٰ پنجاب محمد خان بھٹی کو اینٹی کرپشن نے گرفتار کرلیا۔

پنجاب کے سابق وزیراعلیٰ چوہدری پرویز الہٰی کے قریبی ساتھی سمجھے جانے والے سابق پرنسپل سیکرٹری محمد خان بھٹی کو اینٹی کرپشن نے گرفتار کیا، محمد خان بھٹی کو کیمپ جیل سے نکلتے ہی اینٹی کرپشن ٹیم نے گرفتار کیا۔

اینٹی کرپشن گوجرانوالہ کی ٹیم گرفتاری کے بعد محمد خان بھٹی کو لے کر کیمپ جیل سے روانہ ہوگئی۔ سیشن کورٹ لاہور نے محمد خان بھٹی کی آج ہی ضمانت منظور کرتے ہوئے انھیں رہا کرنے کا حکم دیا تھا۔