ڈیوٹی سے غفلت برتنے پر ضلعی انتظامیہ نے پرائس کنٹرول مجسٹریٹس سے وضاحت طلب کرلی۔

ضلعی انتظامیہ لاہور نے ڈیوٹی سے غفلت برتنے والے 8 پرائس کنٹرول مجسٹریٹس سے وضاحت طلب کر لی ہے۔

ضلعی انتظامیہ کے مطابق پرائس کنٹرول مجسٹریٹ یکم اپریل کو ہونے والے جائزہ اجلاس میں بھی موجود نہیں تھے، ضلعی انتظامیہ ناجائز منافع خوری اور ذخیرہ اندوزی کسی صورت برداشت نہیں کرے گی۔

افسران دفاتر کی بجائے فیلڈ میں انتظامی امور کی نگرانی یقینی بنائیں، ماہ مقدس میں عوام کو ہر ممکن سہولیات کی فراہمی کیلئے اقدامات کیے جارہے ہیں۔