لاہور میں نجی اسکول کے طالب علموں نے سڑک بند کرکے ہوائی فائرنگ کی جس کے نتیجے میں گلبرگ پولیس نے اسٹوڈنٹس سمیت اکیس افراد کو گرفتار کرلیا۔

لاہور میں گلبرگ کے مین بولیوارڈ کا علاقہ اس وقت فائرنگ سے گونج اٹھا جب نجی اسکول کے طالب علموں نے روڈ بلاک کرکے ہوائی فائرنگ کی۔

اسٹوڈنٹس کی جانب سے فائرنگ اور سڑک بند کرنے کے واقعہ کی فوٹیج منظرعام پرآگئی ہے۔ جس میں دیکھا جاسکتا ہے کہ نوجوان ہوائی فائرنگ کررہے ہیں۔

طالب علموں کی جانب سے دن دہاڑے فائرنگ کرکے خوف و ہراس پھیلانے کے واقعہ کے بعد گلبرگ پولیس بھی حرکت میں آئی اور 21 اسٹوڈنٹس کو گرفتار کرکے مقدمہ درج کرلیا۔