محکمہ موسمیات نے پیشگوئی کی ہے کہ کراچی میں چند مقامات پر ہلکی بارش اور گرج چمک کا امکان ہے لیکن مطلع جزوی ابر آلود رہے گا۔

محکمہ موسمیات کے مطابق اس وقت شہرکا کم سے کم درجہ حرارت 24 ڈگری سینٹی گریڈ تک ریکارڈ کیا گیا ہے جبکہ زیادہ سے زیادہ درجہ حرارت 31سے 33 ڈگری سینٹی گریڈ تک جانے کے امکانات ہیں۔

مزید بتایا کہ صبح کے وقت ہوا میں نمی کا تناسب 80 سے 90 فیصد تک رہا اور شام کے وقت 45 سے55 فیصد تک رہنے کے امکانت ہیں جبکہ ہوائیں جنوب مغرب سے 12 کلو میٹر فی گھنٹہ کی رفتارسے چل رہی ہیں۔

دوسری جانب سندھ کے مختلف علاقوں میں بھی بارش نے انٹری دے دی ہے جس کے بعد میرپورخاص ، گھوٹکی میں بارش ہوئی، جبکہ لاڑکانہ شہر اور گردونواح میں بارش کے بعد بجلی کی فراہمی معطل ہوگئی۔