سیکیورٹی فورسز نے ڈیرہ اسماعیل خان میں کارروائی کےدوران دہشت گرد کمانڈر عبدالرشید کو ہلاک کردیا۔

آئی ایس پی آر کے مطابق ٹانک میں مردم شماری ٹیم پردہشت گردوں کی فائرنگ میں ایک پولیس اہلکارشہید ہوا۔ جس کے بعد سیکیورٹی فورسز نے علاقے کی ناکہ بندی کی۔

پاک فوج کے ترجمان ادارے نے مزید بتایا کہ فورسز نے دہشتگردوں کے فرار کے راستے بند کردئیے اور دہشت گردوں کو تحصیل کلاچی میں روکا گیا۔

فائرنگ کے تبادلے میں دہشت گردوں کا کمانڈرعبدالرشید ہلاک ہوگیا۔ مارا گیا دہشت گرد سیکیورٹی فورسزپرحملوں میں ملوث تھا۔