لاہور ہائیکورٹ نے نگراں وزیراعلیٰ پنجاب محسن نقوی کی تعیناتی کےخلاف درخواست سماعت کے لئے مقرر کردی ہے۔

نگراں وزیراعلیٰ پنجاب محسن نقوی کی تعیناتی کےخلاف متفرق درخواست سماعت کیلئے مقرر کردی گئی ہے۔

لاہورہائیکورٹ کے جسٹس شاہدکریم کل سربراہ عوامی مسلم لیگ شیخ رشید کی درخواست پرسماعت کریں گے۔ درخواست میں محسن نقوی کی تقرری کو چیلنج کیا گیا تھا۔

واضح رہے کہ چیئرمین تحریک انصاف عمران خان اور سربراہ عوامی مسلم لیگ شیخ رشید احمد کو نگراں وزیراعلیٰ پنجاب محسن نقوی کی تعیناتی پر تحفظات ہیں۔

دونوں رہنما کئی بار تحفظات کا اظہار میڈیا پر کرچکے ہیں تاہم شیخ رشید احمد نے محسن نقوی کی بطور نگراں وزیراعلیٰ پنجاب تعیناتی کو لاہور ہائیکورٹ میں چیلنچ کررکھا تھا۔