پولیس نے پی ٹی آئی کارکن علی بلال عرف ظلِ شاہ کیس میں سے قتل عمد کی دفعہ ختم کردی۔

لاہور کی انسداد دہشت گردی عدالت میں علی بلال کے قتل کیس کی سماعت ہوئی۔

پولیس نےچار ملزمان راجا شکیل، محمد جہانگزیب، عمرفرید اور محسن شاہ کو عدالت میں پیش کیا۔

پولیس نے مقدمہ سے دفعہ 302 ختم کرکے 322 لگادی، دفعہ 322 بغیر لاسنس ڈرائیونگ کرکے قتل کرنے پر عائد ہوتی ہے۔

عدالت نے دفعہ 322 کے تحت ملزمان کا ایک روزہ جسمانی ریمانڈ منظور کرلیا۔

ملزمان کی جانب سے رانا ذولفقار ایڈووکیٹ نے دلائل دیتے ہوئے کہا کہ ایک واقعے کی دو ایف آئی آر درج نہیں ہوسکتیں، تھانہ ریس کورس، تھانہ سرور روڈ میں ایف آئی آر درج کی گئی ہیں۔