کراچی پولیس آفس پر حملہ کرنے والے دہشتگردوں کے زیراستعمال گاڑی جس شوروم سے خریدی گئی اس کا مالک تفتیشی حکام کے سامنے پیش ہوگیا۔

ذرائع کا کہنا ہے کہ تفتیشی حکام نے شوروم کے مالک اشفاق کا بیان قلمبند کرلیا ہے۔

گاڑی اے ایل ایف 043 آخری بار شفیق نامی شخص کو فروخت کی گئی تھی جوکوئٹہ کا رہائشی ہے۔

شوروم کے مالک نے تفتیشی حکام کو بیان دیا کہ خرید فروخت کے معاہدے کہیں کھوگئے ہیں تلاش کیا مل نہیں رہے۔

تفتیشی ذرائع کا کہنا ہے کہ دستاویزات نہ ہونے کے باعث تفتیش میں مشکلات کا سامنا ہے جبکہ شفیق سے رابطے کے لئے اشفاق کی مدد لی جارہی ہے۔

ذرائع نے مزید کہا کہ دیگر تحقیقاتی اداروں کی مدد بھی لی جارہی ہے جبکہ اس سے قبل مذکورہ گاڑی 8 افراد کو فروخت ہوچکی ہے۔