کراچی پولیس آفس (کے پی او) پر حملے اور شہر بھر میں اسٹریٹ کرائم کی بڑھتی ہوئی وارداتوں پر حساس اداروں نے ایڈیشنل انسپکٹر جنرل (اے آئی جی) کراچی جاوید عالم اوڈھو کی کارکردگی پر تحفظات کا اظہار کردیا۔

حکام کا کہنا ہے کہ ایڈیشنل آئی جی کراچی اسٹریٹ کرائم کی وارداتوں کی روک تھام میں ناکام ہوچکے ہیں۔

ذرائع کے مطابق کراچی پولیس چیف کے تبادلے کا امکان ہے، جبکہ نئے چیف کیلئے اچھی شہرت کے حامل افسران کے ناموں پر غور شروع ہوچکا ہے۔

ذرائع کے مطابق سلطان خواجہ، عمران یعقوب منہاس سمیت دیگر افسران کے ناموں پر غور کیا جارہا ہے۔