چیئرمین پی ٹی آئی کی جانب سے طلب کیے گئے اجلاس میں جیل بھرو تحریک،سیاسی مقدمات اور الیکشن کی تاریخ کے معاملات پر مشاورت کی جائے گی۔

اس کے علاوہ عمران خان سے آج مختلف بارز کے وکلاء ملاقات کریں گے جس میں مختلف قانونی معاملات پر مشاورت کی جائے گی۔

واضح رہے کہ پی ٹی آئی کی جانب سے اعلان کیا جاچکا ہے کہ ’جیل بھرو تحریک‘ کا آغاز 22 فروری بروز بدھ چیئرنگ کراس لاہورسے ہوگا۔جس میں عمر سرفرازچیمہ، سینیٹرولید اقبال ، ڈاکٹر مراد راس، محمد خان مدنی، فواد رسول بھلر کے ہمراہ 200 کارکنان بھی گرفتاری دیں گے۔

دوسری جانب پی ٹی آئی کی جیل بھرو تحریک کے معاملے پر پنجاب حکومت نے مال روڈ اور لبرٹی چوک میں 7 روز کیلئے دفعہ 144 نافذ کردی ہے۔