پیپلزپارٹی نے قومی اسمبلی کےضمنی انتخابات کے بائیکاٹ کا اصولی فیصلہ کرلیا۔

ذرائع کے مطابق پیپلز پارٹی نے ضمنی انتخابات میں حصہ نہ لینےکا اصولی فیصلہ لیگی رہنماؤں سے ملاقات کے بعد کیا۔

ذرائع کا کہنا ہے کہ قومی اسمبلی میں ضمنی انتخابات میں حصہ لینے سے متعلق پی پی چیئرمین بلاول بھٹو نے ن لیگ کے رہنماؤں سے ملاقاتیں کیں جب کہ پیر کو بلاول بھٹو کی پارلیمنٹ ہاؤس میں لیگی رہنماؤں سے ملاقاتیں ہوئیں۔

واضح رہے کہ پاکستان ڈیموکریٹک موومنٹ 16 مارچ کو قومی اسمبلی کی 33 اور 19 مارچ کو 31 نشستوں پر ہونے والے ضمنی الیکشن میں حصہ نہیں لے گی۔

حکمران اتحاد پی ڈی ایم نے حال ہی میں پیپلزپارٹی قیادت سے درخواست کی تھی کہ وہ قومی اسمبلی کی 64 نشستوں پر ضمنی انتخاب لڑنے کے فیصلے پر نظرثانی کرے اور پاکستان تحریک انصاف کو بلامقابلہ لڑنے کی اجازت دے۔

پیپلز پارٹی نے پی ڈی ایم کا مشورہ مسترد کرکے قومی اسمبلی کی نشستوں پر ضمنی انتخاب لڑنے کے فیصلے پر قائم تھی۔