نگراں حکومتِ پنجاب نے وی آئی پی فلائٹ موومنٹ سیکشن کے لیے سات کروڑ روپے کی سپلمنٹری گرانٹ دینے کی منظوری دے دی۔

پنجاب حکومت کے زیرِ استعمال ہیلی کاپٹر کی مرمت سمیت دیگر اخراجات کے لیے سپلمنٹری گرانٹ منظور کی گئی ہے۔

کابینہ نے ائیر ٹرانسپورٹ کے لیے 3 کروڑ 61 لاکھ روپے کے سپلمنٹری گرانٹ کی منظوری دی۔

ائیر کرافٹ اور کریو کی انشورنش کے لیے 27 لاکھ روپے جبکہ پائلٹس اور کریو کے تنخواہوں، مختلف کورسز یونیفارم سمیت دیگر اخراجات کے لیے گرانٹ منظور کی گئی ہیں۔

ذرائع کے مطابق پنجاب کے وی آئی پی فلائٹ سیکشن کو فنڈ کی کمی کا سامنا تھا، نگراں حکومت نے فلائٹ ونگ کی درخواست پر 7 کروڑ روپے کی سپلمنٹری گرانٹ دینے کی منظوری دی ہے۔