کراچی کے علاقے گلستان جوہر میں بلڈنگ کے ٹینک میں گر کر بچہ جاں بحق ہوگیا۔

واقعہ گلستان جوہر بلاک 10 میں پیش آیا جہاں رہائشی اپارٹمنٹ کے پانی کے ٹینک میں 8 سالہ بچہ ڈوب کر جاں بحق ہوگیا۔

بچے کی لاش ایدھی سرد خانہ سہراب گوٹھ منتقل کردی گئی، جس کی شناخت محمد ارشد ولد نجم دین کے نام سے ہوئی ہے۔

پولیس کے مطابق بچہ پانی کے ٹینک میں حادثاتی طور پر گر کر جاں بحق ہوا، لاش کو ضابطے کی کارروائی کے بعد اہل خانہ کے حوالے کردیا گیا۔