ایم کیوایم اور پیپلزپارٹی کے وفد کے درمیان رات گئے ملاقات ہوئی جس میں کراچی کی حلقہ بندیوں سے متعلق اہم پیش رفت ہوئی ہے۔

ذرائع کے مطابق پیپلزپارٹی نے حلقہ بندیوں کے مسائل حل کرنے کا عندیہ دیتے ہوئے ڈسٹرکٹ سینٹرل کے ایڈمنسٹریٹر کا معاملہ حل کرنے کی یقین دہانی کرائی ہے۔

پیپلزپارٹی نے ایم کیو ایم سے دھرنا موؤخر کرنے کا مطالبہ کردیا جس کے بعد رابطہ کمیٹی کی جانب سے 12 فروری کو فوارہ چوک پر دھرنا موخر کرنے کا امکان ہے۔

تاہم ایم کیو ایم کے مصطفیٰ کمال نے ہفتہ کے روز صحافیوں سے گفتگو میں کہا کہ پیپلزپارٹی سے کل کوئی خاص ملاقات نہیں ہوئی۔