کراچی کے علاقے کورنگی انڈسٹریل ایریا میں کاؤنٹر ٹررزم ڈپارٹمنٹ (سی ٹی ڈی) نے کارروائی کرتے ہوئے کالعدم تنظیم داعش کے اہم کمانڈرکو گرفتار کرلیا۔

سی ٹی ڈی کے مطابق ملزم افغان شہریت کاحامل اورعرصہ درازسے کراچی میں مقیم ہے اور کمانڈر عبدالمالک حوالہ ہنڈی کا کام بھی کرتا ہے۔

مزید بتایا کہ گرفتارملزم کے قبضے سے 30 بور کی پستول برآمد کی گئی جبکہ ملزم 2011 سے داعش مُلاعبدالمنان گروپ سے وابستہ ہے۔ ملزم اکثررمضان المبارک میں چندہ اکٹھا کرتا ہے اور جمع شدہ چندہ افغانستان داعش کوبھجواتا ہے۔

کاؤنٹر ٹررزم ڈپارٹمنٹ کے مطابق گرفتارملزم حوالہ ہنڈی کے ذریعے چندے کی رقم افغانستان بھیج چکا ہے اور ملزم کے موبائل فون سے اہم معلومات ملی ہیں۔

سی ٹی ڈی نے بتایا کہ برآمد شدہ موبائل فون کا فرانزک معائنہ کرایا جارہا ہے جس کی مزید تفتیش جاری ہے اور اہم انکشافات بھی متوقع ہیں۔