وزیراعظم کے صاحبزادے سلیمان شہباز کیخلاف شوگر مل کے ذریعے 16ارب روپے منی لانڈرنگ کیس کی سماعت نہ ہوسکی۔

سلیمان شہبازکیخلاف کیس کی سماعت اسپیشل سینٹرل کورٹ لاہورمیں مقرر تھی جو جج کے رخصت پر ہونے کے باعث نہیں ہوسکی۔

سلیمان شہباز عدالت کے روبرو پیش ہوئے جہاں عدالتی اہلکاروں نے ملزمان کی حاضری مکمل کرواتے ہوئے ملزمان کے وکلا کوبریت درخواستوں پر دلائل کیلئے طلب کرلیا۔

کیس کی آئندہ سماعت 11 فروری تک ملتوی کردی گئی۔