کراچی کے سات اور حیدرآباد ڈویژن کے نو اضلاع میں اتوار، 15 جنوری کو بلدیاتی انتخابات ہورہے ہیں۔ کراچی میں، لاکھوں ووٹرز کراچی میٹروپولیٹن کارپوریشن اور 25 ٹاؤن میونسپل کارپوریشنز (TMCs) کے لیے اراکین کا انتخاب کریں گے۔

حیدرآباد ڈویژن میں حیدرآباد میونسپل کارپوریشن اور مختلف ضلع کونسلوں کے ارکان کا انتخاب کیا جائے گا۔

کراچی میٹروپولیٹن کارپوریشن (کے ایم سی) کے لیے سب سے بڑا مقابلہ 245 نشستوں پرہے۔ ایک رکن پہلے ہی بلا مقابلہ منتخب ہوچکا ہے اس طرح منتخب نشستوں کی تعداد 246 ہو جاتی ہے ۔ 121 مخصوص نشستوں کے ساتھ کے ایم سی 367 ​​رکنی ایوان ہو گا۔

کم از کم 33 سیاسی جماعتیں 245 یوسی چیئرمین اور وائس چیئرمین کے انتخاب کے لیے مدمقابل ہیں۔ جہاں پاکستان پیپلز پارٹی ، جماعت اسلامی (جے آئی)، پاکستان مسلم لیگ نواز اور جمعیت علمائے اسلام ف (جے یو آئی ایف) وہ نام ہیں جو آسانی سے پہچانے جا سکتے ہیں، وہیں عام لوگ اتحاد (ALI)، پاکستان ریفارم پارٹی (PRF) اور اللہ اکبر تحریک (AAT) بھی ان انتخابات کا حصہ ہیں۔

متحدہ قومی موومنٹ پاکستان نے رواں ہفتے مصطفیٰ کمال کی پاک سرزمین پارٹی (پی ایس پی) اور فاروق ستار کی زیرقیادت دھڑے کو اپنے عہدے میں شامل کرلیا ہے لیکن پی ایس پی اور فاروق ستار کی قیادت والے دھڑوں کے امیدواروں کے نام ابھی تک بیلٹ پیپرزپر موجود ہیں۔

تقریباً 1950 امیدوار یوسی چیئرمین کی نشستوں کے لیے انتخاب لڑ رہے ہیں اور وائس چیئرمین کے لیے بھی اتنی ہی تعداد ہے۔

کراچی میٹروپولیٹن کارپوریشن (اسٹرکچر)

کے ایم سی اور میئرشپ

اگر آپ ووٹر ہیں اور پولنگ اسٹیشن جانے کا ارادہ رکھتے ہیں، تو آپ اپنے علاقے کی یونین کمیٹی (UC) کے لیے کم از کم 6 بلدیاتی اداروں کے نمائندوں کو منتخب کرنے کے لیے ووٹ ڈالیں گے۔ ان میں ایک چیئرمین، ایک وائس چیئرمین اور چار جنرل وارڈ ممبران شامل ہیں۔

آپ اور دوسرے ووٹرز جس شخص کو آپ کے علاقے کی یوسی کا چیئرمین منتخب کرتے ہیں وہ کراچی میٹروپولیٹن کمیٹی کا رکن بن جاتا ہے۔ یہ شخص KMC میں آپ کی نمائندگی کرے گا جو کبھی سٹی کونسل کے نام سے جانا جاتا تھا اور جہاں ممبران چارجڈ پارکنگ جیسے مسائل پر جارحانہ انداز میں بحث کرتے تھے۔

کراچی کے میئرکی دوڑ

یوسی چیئرمین کا عہدہ سب سے زیادہ من پسند ہے کیونکہ جو بھی یوسی چیئرمین بنے گا وہ شہرکا میئربھی منتخب کرے گا۔

جس پارٹی نے یوسی چیئرمین کی سب سے زیادہ نشستیں حاصل کیں وہ زیادہ مخصوص نشستیں بھی حاصل کرے گی۔

درج ذیل میں مخصوص نشستوں کی تفصیلات دی گئی ہیں۔

خواتین 81

مزدور 12

نوجوان 12

اقلیتیں 12

ٹرانس جینڈر 2

خصوصی افراد 2

کل 367

تکنیکی طور پر، براہ راست منتخب اراکین اور مخصوص نشستوں پر منتخب ہونے والے اراکین میئر کے انتخاب میں ووٹ ڈالیں گے، لیکن جیسے ہی اتوار کی شام تک یوسی چیئرمین کی نشستوں کے نتائج سامنے آئیں گے، آپ کوعلم ہوجائے گا کہ کس پارٹی نے میٹرو پولس(سب سے بڑے شہر) پر کنٹرول حاصل کر لیا ہے۔

ٹاؤن میونسپل کارپوریشن اورٹاؤن ناظم

دوسرا سب سے اہم عہدہ وائس چیئرمین کا ہے، جو ٹاؤن میونسپل کمیٹی یا ٹی ایم سی میں آپ کی یونین کونسل کی نمائندگی کرے گا۔

نائب چیئرمین اپنے متعلقہ ٹی ایم سی کے لیے ٹاؤن ناظم کا انتخاب کریں گے۔

سندھ لوکل گورنمنٹ ایکٹ 2021 کے تحت کراچی کو 25 ٹاؤنز میں تقسیم کیا گیا ہے۔ لہذا، کم از کم 25 ٹاؤن ناظم ہوں گے۔

کراچی سٹی کونسل میں عوامی مسائل پر متحرک مباحثے دیکھنے کو ملتے تھے۔ فائل فوٹو پی پی آئی

ٹاؤن میونسپل کمیٹی اور یونین کونسل میں مخصوص نشستیں

آپ کے منتخب کردہ دیگر 4 اراکین آپ کے علاقے میں کام کررہے ہوں گے اور آپ انہیں زیادہ اکثروبیشتردیکھ سکیں گے۔

وہ صرف بلدیاتی اداروں کے نمائندے نہیں ہوں گے۔ UCs میں خواتین، نوجوانوں، مزدوروں اور اقلیتوں کے لیے بھی مخصوص نشستیں ہیں۔

چیئرمین، وائس چیئرمین اور 4 براہ راست منتخب ممبران کے علاوہ ہر یو سی میں 2 خواتین ممبران ہوں گی، اور مزدوروں، نوجوانوں اور اقلیتوں کے لیے ایک ایک نمائندہ ہوگا، جس سے یونین کونسل کی کل تعداد 11 ہو جائے گی۔

ٹاؤن میونسپل کمیٹی میں خواتین اور اقلیتوں کے لیے بھی مخصوص نشستیں ہوں گی۔

کراچی کے ٹاؤن

شہر میں 7 اضلاع ہیں جن میں آبادی کی تعداد مختلف ہے۔ اس لیے کچھ اضلاع صرف دو قصبوں پر مشتمل ہیں جبکہ دیگر میں زیادہ سے زیادہ پانچ ہیں۔

ضلع کورنگی ماڈل کالونی ٹاؤن شاہ فیصل ٹاؤن لانڈھی ٹاؤن کورنگی ٹاؤن ضلع میں 37 یونین کمیٹیاں ہیں۔

ضلع جنوبی صدرٹاؤن لیاری ٹاؤن جنوبی ضلع میں 26 یونین کونسل ہیں۔

ضلع غربی اورنگی ٹاؤن مومن آباد ٹاؤن منگھوپیرٹاؤن ڈسٹرکٹ ویسٹ میں 32 یونین کونسل ہیں۔

ملیر گڈاپ ٹاؤن مالک ٹاؤن ابراہیم حیدری ٹاؤن ملیر میں 30 یونین کونسل ہیں۔

سینٹرل نیو کراچی ٹاؤن نارتھ ناظم آباد ٹاؤن گلبرگ ٹاؤن لیاقت آباد ٹاؤن ناظم آباد ٹاؤن ضلع وسطی 45 یونین کونسل کے ساتھ سب سے زیادہ آبادی والا ضلع ہے۔

کیماڑی ماڑی پورٹاؤن ماریو میربہار ٹاؤن بلدیہ ٹاؤن کیماڑی میں 33 یونین کونسل ہیں۔

ضلع شرقی سہراب گوٹھ ٹاؤن صفورا ٹاؤن گلشن ٹاؤن جناح ٹاؤن چنیسر ٹاؤن ضلع شرقی میں 43 یونین کونسل ہیں۔

حیدرآباد ڈویژن

حیدرآباد ڈویژن کے جن 9 اضلاع میں اتوار کو انتخابات ہوں گے ان میں درج ذیل شامل ہیں

حیدرآباد ٹھٹھہ ٹنڈو محمد خان ٹنڈو الٰہ یار سجاول مٹیاری جامشورو دادو بدین

حیدرآباد میں 9 ٹاؤنز ہیں جہاں 160 یوسی میں2 ہزار 706 امیدوار مختلف عہدوں کے لیے مقابلہ کریں گے۔

پیپلز پارٹی پہلے ہی چیئرمین کی 29 نشستیں بلا مقابلہ جیت چکی ہے۔ دو آزاد امیدوار بھی بلا مقابلہ چیئرمین منتخب ہوچکے ہیں۔