لاہور میں وفاقی تحقیقاتی ادارے (ایف آئی اے) نے کارروائی کرتے ہوئے ہنڈی، حوالہ اور منی ایکسچینج کے غیر قانونی کاروبار میں ملوث 5 ملزمان کو گرفتار کرلیا۔

ملزمان کے قبضے سے 3 کروڑ 82 لاکھ روپے سے زائد مالیت کے کرنسی نوٹ اور ہنڈی حوالہ سے متعلق رسیدیں برآمد کرلی گئی ہیں، جبکہ گرفتار ملزمان میں مسعود، یونس، طارق، محسن اور اشفاق شامل ہیں۔

ملزمان کی نشاندہی پر گینگ کے سرغنہ عابد نواز اور حامد اقبال بھی گرفتار کرکے فارن ایکسچینج ریگولیشن ایکٹ کے تحت مقدمہ درج کر لیا گیا۔ ترجمان ایف آئی اے کا کہنا ہے کہ ملزمان سے مزید تفتیش جاری ہے۔