رحیم یار خان میں پُر اسرار بیماری کے باعث ایک ہی خاندان کے 12 افراد جاں بحق ہوگئے جن کی موت کی وجہ سامنے آگئی ہے۔

رحیم یار خان کے علاقے رکن پور میں پراسرار بیماری میں 6 بچوں 4 خواتین سمیت 12 جاں بحق افراد ہوئے۔

محکمہ صحت کے ڈسٹرکٹ ہیلتھ آفیسر حسن کا کہنا ہے ڈپٹی کمشنر کی سربراہی میں شیخ زید اسپتال پرنسپل اور محکمہ صحت کی تحقیقاتی کمیٹی نے بیماری کو تشخیص کرلیا۔

علامات اور رپورٹس کی روشنی میں گردن توڑ بخار(سرسام) جاں بحق افراد کی موت وجہ بنی جبکہ متعلقہ آبادی اور اس کے مضافات میں خوراک پانی اور خون کے نمونے حاصل کرکے مزید تشخیص کیلئے لیب بھجوائے ہیں۔

متاثرہ آبادی اور ملحقہ علاقوں میں خون کی سیمپلنگ اور رہائشی افراد کا طبی معائنہ کیا جارہا ہے تاہم مرض کے پھیلاؤ کو روکنے کیلئے محکمہ صحت کی ٹیمیں علاقے میں صحتِ عامہ سے متلعق اقدامات کررہی ہیں۔