گورنر ہاؤس سندھ میں جاری سیاسی سرگرمیوں کے خلاف پاکستان تحریک انصاف (پی ٹی آئی) کے رہنما خرم شیر زمان نے صدر مملکت کو خط لکھ دیا، خط میں الزام لگایا گیا کہ سندھ کے گورنر اپنے دفتر کا بے دریغ سیاسی استعمال کر رہے ہیں۔

خرم شیر زمان کی جانب سے لکھے گئے خط میں کہا گیا کہ گورنر سندھ آئین کے تحت وفاق کے نمائندے ہیں لیکن کامران ٹیسوری ایم کیو ایم کے نمائندے کا کردار ادا کر رہے ہیں، ایم کیو ایم، پی ایس پی کے دھڑوں کو ملانا گورنر سندھ کی پالیٹیکل انجینئرنگ کا ثبوت ہے۔

انہوں نے مزید لکھا کہ گورنر سندھ سیاسی ورکر کے طور پر کام کر رہے ہیں، گورنر کی سرگرمیوں سے بلدیاتی الیکشن میں اثر انداز ہونے کا خدشہ ہے۔

خط میں مطالبہ کیا گیا کہ صدر مملکت گورنر ہاؤس کے غلط استعمال پر کامران ٹیسوری کے خلاف نوٹس لیں۔