پاکستان اور نیوزی لینڈ کے درمیان ٹیسٹ سیریز کے پہلے میچ میں بابر اعظم نے محمد یوسف کا سب سے زیادہ رنز بنانے کا ریکارڈ توڑ دیا۔

کراچی کے نیشنل بینک کرکٹ ایرینا میں پیر کو کھیلے جانے والے پہلے ٹیسٹ میچ میں پاکستان نے ٹاس جیت کر پہلے بیٹنگ کا فیصلہ کیا۔

کپتان بابراعظم خود بیٹنگ کے لیے اس وقت آئے جب پاکستان 3 وکٹوں کے نقصان پر 48 رن بنا چکا تھا۔ بابراعظم نے محمد یوسف کا 2,435 رنز بنانے کا ریکارڈ توڑ دیا۔

اب تک بابراعطم نے ٹی ٹوئنٹی میچوں میں 735، ون ڈے میچز میں 679 اور ٹیسٹ میچوں میں 1050 رنز بنائے ہیں۔

وہ ایک کیلنڈر سال کے اندر ٹیسٹ میچوں میں 1000 سے زائد رنز بنانے والے پاکستانی چھٹے بلے باز بھی بن گئے ہیں۔

ٹیسٹ سیریز کے حوالے سے پاکستان اور نیوزی لینڈ دونوں ٹیموں کے کپتان پرجوش ہیں۔ ٹموتھی سائمن اور بابراعظم نے اتوار کو کراچی میں مشترکہ پریس کانفرنسکی۔