کراچی کے علاقے کلفٹن میں پولیس نے کارروائی کرکے راہ گیر سے موبائل چھین کر فرار ہونے والے ملزم کو زخمی حالت میں گرفتارکرلیا۔

ایس ایس پی اسد رضا کے مطابق ملزم نے رکنے کے بجائے سڑک کے دوسری جانب بھاگنے کی کوشش کی کہ اسی دوران کار سے ٹکرا کر ملزم کی ٹانگ ٹوٹ گئی۔

ایس ایس پی پولیس نے کہا کہ تیز رفتار گاڑی سے ٹکرانے کی وجہ سے ملزم کی ٹانگ ٹوٹی، تو پولیس نے ملزم نے گرفتار کرلیا جبکہ ملزم کے قبضے سے موٹرسائیکل، چھینا ہوا موبائل فون برآمد کرلیا۔

ان کا کہنا تھا کہ ملزم کی شناخت عدیل کے نام سے ہوئی، جو متعدد بارگرفتار ہوکرجیل جاچکا ہے جبکہ گرفتارملزم کے خلاف مقدمہ درج کرکے تفتیش جاری ہے۔