سندھ حکومت نے صوبے میں 26 دسمبر کو جزوی اور 27 دسمبر کو عام تعطیل کا اعلان کردیا، چیف سیکریٹری سندھ نے نوٹیفکیشن جاری کردیا ۔

چیف سیکریٹری سندھ سہیل راجپوت کی جانب سے جاری کیے گئے اعلامیے کے مطابق 26 دسمبر کو مسیحی برادری سے تعلق رکھنے والے سرکاری ملازمین کو کرسمس کی چھٹی دی گئی ہے۔

سابق وزیراعظم بے نظیر بھٹو کی برسی کے حوالے سے 27 دسمبر کو سندھ بھرمیں عام تعطیل ہوگی۔

اعلامیے کے مطابق 26 دسمبر کو جزوی اور 27 دسمبر کو صوبائی تعطیل کا اطلاق لازمی سروسز، کورونا ایمرجنسی ڈیوٹی اور سیلاب متاثرین کی بحالی پر مامور ملازمین پر نہیں ہوگا ۔