مسلم لیگ ق اور پاکستان تحریک انصاف کے درمیان ملاقاتوں کی اندرونی کہانی سامنے آگئی۔

ذرائع کے مطابق پی ٹی آئی نے مسلم لیگ ق کو پارٹی میں ضم ہونے کی پیشکش کی، جس کو مسلم لیگ ق نے مسترد کردیا- مسلم لیگ ق نے زیادہ نشستوں پر سیٹ ایڈجسٹمنٹ کی خواہش ظاہر کردی۔

مونس الٰہی نے کہا کہ مسلم لیگ ق اپنی الگ شناخت برقرار رکھنا چاہتی ہے۔

انہوں نے کہا کہ اسمبلیاں توڑنے سے پی ڈی ایم انتقامی کارروائیاں کرسکتی ہے، اختیار آپ کو سونپ دیا ہے حتمی فیصلہ آپ کریں گے، پرویز الٰہی کو آپ جب کہیں گے اسمبلیاں توڑ دیں گے۔