شکار پور کے گاؤں مرزا پور میں زمین کے تنازعے پر گولیاں چل گئیں، جہاں 2 گروپوں میں فائرنگ سے 3 خواتین جاں بحق ہوگئیں جبکہ خاتون سمیت 2 افراد زخمی ہوگئے۔

فائرنگ سے علاقے میں خوف و ہراس پھیل گیا، اطلاع ملنے پر پولیس کی بھاری نفری علاقے میں پہنچی، لاشوں اور زخمیوں کو قریبی اسپتال منتقل کیا گیا۔

پولیس کے مطابق 2گروپوں میں کئی سال سے زمین کا تنازع چل رہا تھا، فائرنگ کرنےوالے ملزمان کی گرفتاری کے لئے چھاپے مارے جارہے ہیں۔