پوری دنیا میں انسانی حقوق کا عالمی دن زور و شور سے منایا جارہا ہے، لیکن آج بھی روٹی، کپڑا اور مکان کے بنیادی حقوق سے بہت سے شہری محروم ہیں۔

ایک ایسی ہی لاوارث خاتون گزشتہ تین برس سے بھلوال کے ریلوے اسٹیشن چوک میں سڑک کے کنارے مقیم ہیں، جو سردی ہو یا گرمی سڑک کے کنارے پڑی زندگی کے دن گزار رہی ہیں۔

موسم سرما کی ٹھٹھرتی راتوں اور سرسراتی ہواؤں کے تھپیڑے کھاتی یہ خاتون گزشتہ تین برسوں سے بھلوال کے ریلوے اسٹیشن چوک میں سڑک کنارے مقیم ہیں۔

دن ہو یا رات خاتوں اسی طرح سڑک کے کنارے پڑی رہتی ہیں، انہیں کچھ خوش عقیدہ لوگ اکثر کھانے پینے کی چیزیں دیتے رہتے ہیں لیکن یہ کسی سے کچھ نہیں مانگتیں۔

اسلامی جمہوریہ پاکستان میں بسنے والے شہری اپنے ارباب اختیار سے سوال کرتے ہیں کہ اسلام تو ہر ایک کے حقوق کا نگہبان ہے، پھر ایسے لاوارث لوگوں کا وارث کوئی کیوں نہیں بن رہا۔