پاکستان تحریک انصاف کے رہنما شہباز گل کے خلاف کراچی میں مزید دو مقدمات درج کرا دئے گئے، جس کے بعد مقدمات کی تعداد تین ہوگئی ہے۔

سرجانی اور رضویہ تھانوں میں درج کرائے گئے درج مقدمات میں اداروں کے خلاف تقریر کو وجہ بنایا گیا ہے۔

سرجانی ٹاؤن تھانے میں شہری دانیال کی مدعیت میں مقدمہ درج کیا گیا۔

مدعی مقدمات کے مطابق شہباز گل نے سوچی سمجھی سازش کے تحت اداروں کے خلاف تقریرکی، شہباز گل کی تقریر سے آرمی چیف سمیت میجر رینک کے افسران کے خلاف نفرت پیدا کرنے کی کوشش کی گئی۔

گزشتہ روز کراچی کے ہی بریگیڈ تھانے میں بھی ایک مقدمہ درج کیا گیا تھا۔